Інфляцыя знізілася ў Беларусі да 5,5% у лістападзе бягучага года пасля 5,9% у кастрычніку, паведамілі эксперты Еўразійскага банка развіцця (ЕАБР) у чарговым аглядзе.
"Інфляцыя замарудзілася па ўсіх ключавых кампанентах спажывецкага кошыка. Рост цэн на прадукты харчавання сфарміраваўся на ўзроўні 6,7% у лістападзе пасля 7,2% у кастрычніку, з-за істотнага запаволення дынамікі цэн на сезонную агародніну і садавіну", - адзначылі ў банку.
Паводле інфармацыі ЕАБР, інфляцыя на нехарчовыя тавары склала 3,7% у лістападзе пасля 4,1% месяцам раней.
"У сегменце платных паслуг таксама фіксуецца запаволенне інфляцыі да 5,8% у лістападзе пасля 6% у кастрычніку. Прагназіруем інфляцыю паблізу мэтавага арыенціра на канец 2024-га", - адзначылі аналітыкі фінустановы.
Паводле апошніх звестак Белстата, у лістападзе харчовыя тавары ў сярэднім сталі даражэй на 0,7%. Нехарчовыя тавары, наадварот, сталі танней на 0,1%, а паслугі ў сваю чаргу дадалі ў цане 0,1%.
Больш за ўсё ў мінулым месяцы падаражэлі агародніна – 8,7%, алей – 4%, рыба – 1,3%. Пры гэтым садавіна ў сярэднім страціла ў кошце 2,1%.
У бягучым годзе, згодна з прагнозам беларускіх улад, інфляцыя не павінна выйсці за межы 6%. Цяпер рост цэн у рэспубліцы ўкладваецца ў прагнозныя паказчыкі.
