"Калі разглядаць у цэлым выкананне даходнай часткі бюджэту, то сёння даходы фарміруюцца ў поўнай адпаведнасці з гадавым планам. І якога-небудзь адставання ў паступленні бюджэтных сродкаў няма, інакш кажучы рызык для бюджэту гэта сітуацыя, якая склалася ў нафтавым сектары, не стварае, - адзначыў Максім Ермаловіч. - Ёсць добрае разуменне таго, што ў цэлым за год мы выходзім на планавы аб`ём даходаў, можа, нават удасца сфарміраваць даходы з некаторым прыростам адносна плана".

Фактычна страты ад сітуацыі, што склалася з пастаўкамі няякаснай нафты, ацэняць па выніках работы нафтавага сектара за год у залежнасці ад таго, будуць адноўлены аб`ёмы перапрацоўкі ці не.

"У нас ёсць выразнае разуменне таго, што тэхналагічна гэтыя аб`ёмы могуць быць адноўлены ў поўнай адпаведнасці з першапачатковым планам. Гэта азначае, што страт даходаў у цэлым па выніках года не будзе", - дадаў міністр.

Як паведамлялася, "Белнафтахім" 19 красавіка заявіў аб рэзкім пагаршэнні якасці расійскай нафты Urals, якая паступала па трубаправодзе "Дружба". Колькасць хлорарганічных злучэнняў у саставе нафты перасягала ў дзясяткі разоў гранічныя значэнні па стандарце. Абодва беларускія нафтаперапрацоўчыя заводы - Мазырскі НПЗ і ААТ "Нафтан" - вымушаны былі знізіць загрузку магутнасцей і панеслі страты.

20 чэрвеня 2019, Мінск
БЕЛТА