"Беларускае адзенне - ужо брэнд. Калі кожны вытворца самастойна спрабуе асвоіць той ці іншы рынак, гэта складана і фінансава-эканамічна, і стратэгічна", - адзначыла Таццяна Лугіна.

Цяпер разглядаецца магчымасць прадстаўляць прадукцыю пад адзіным брэндам (напрыклад, "Беларускае адзенне") на выстаўках у краінах далёкай дугі.

Такім чынам, канцэрн можа стаць сувязным звяном для прадпрыемстваў па выхадзе на супрацоўніцтва з гэтымі дзяржавамі.

Таксама канцэрн падрыхтуе прапановы па праграме падтрымкі экспарцёраў, дзе ў тым ліку знойдзе адлюстраванне вопыт іншых краін.

У 2018 годзе прадпрыемствы канцэрна экспартавалі прадукцыі больш як на $550 млн, тавары пастаўляліся ў 64 краіны свету. У студзені-сакавіку экспарт склаў $120,1 млн - 54,1 працэнта ад агульнага аб`ёму вытворчасці.

7 чэрвеня 2019, Мінск
БЕЛТА