"Праект адпаведнага пагаднення падрыхтаваны ўжо, - адзначыў Аляксандр Ярашэнка. - Гэта быў бы вельмі цікавы і добры прыклад для прыходу і стварэння субпаркаў Кітая ў "Вялікі камень", гэта вельмі перспектыўна".

Аляксандр Ярашэнка звярнуў увагу, што кампанія з правінцыі Сычуань - "Чэнду Сіньджу Шаўковы Шлях Развіццё" - з`яўляецца адным з першых рэзідэнтаў, якія практычна пабудавалі ўжо ў "Вялікім камені" завод па вытворчасці суперкандэнсатараў.

Прадукцыя будзе выкарыстоўвацца "Белкамунмашам", у тым ліку ў электробусах. Плануецца, што электробусы з гэтымі суперкандэнсатарамі будуць курсіраваць у тым ліку з "Вялікага каменя" ў Мінск і назад, а таксама ў зносінах са Смалявічамі.

4 мая 2018, Мінск
БЕЛТА