Чакаецца, што інфармацыя аб прынятым рашэнні МКМГ будзе апублікавана 8 жніўня 2014 года ў газеце "Урядовый курьер".

Мінэканамразвіцця Украіны разлічвае, што Беларусь у бліжэйшы час не будзе ажыццяўляць ліцэнзаванне ўкраінскіх кандытарскіх вырабаў і сыравіны для іх вытворчасці, асобных відаў макаронных вырабаў, піва соладавага, цэменту, шкла паліраванага і шклатары.

Як паведамлялася, Беларусь увяла часовае, на паўгода, ліцэнзаванне паставак у рэспубліку піва (з 1 мая), а таксама цэменту, паліраванага шкла і шклатары, некаторых відаў макаронных і кандытарскіх вырабаў (з 1 чэрвеня) з-за межаў адзінай мытнай тэрыторыі Мытнага саюза.

Міжведамасная камісія па міжнародным гандлі Украіны ўвяла спецпошліны на імпарт шэрага тавараў з Беларусі. У прыватнасці, размова ідзе аб устанаўленні спецыяльнай пошліны адносна імпарту беларускіх кандытарскіх вырабаў, малочнай прадукцыі, электрычных лямпаў напальвання, угнаенняў і халадзільнікаў. Спецпошліна ў памеры 55,29 працэнта мытнага кошту павінна была дзейнічаць да 31 снежня 2016 года (уключна). Акрамя таго, была ўведзена спецпошліна адносна імпарту беларускіх гумавых шын, соладавага піва, а таксама камплектуючых для халадзільнага абсталявання. Яе памер - 60,05 працэнта мытнага кошту тавару. Тэрміны прымянення гэтай спецпошліны аналагічныя вышэй названым.

7 жніўня 2014, Мінск
БЕЛТА