3-га снежня ў Бруселі прайшоў семінар "Насустрач Еўразійскаму эканамічнаму саюзу: інтэграцыя і супрацоўніцтва".
Як паведамляе прэс-служба МЗС Беларусі, "удзельнікі мерапрыемства абмеркавалі бягучы стан і кірункі далейшай эвалюцыі інтэграцыйных працэсаў у Мытным саюзе Беларусі, Расіі і Казахстана, перспектывы далучэння да іх іншых краін СНД, а таксама ў будучыні пагаднення аб свабодным гандалі паміж Еўразійскім эканамічным саюзам і ЕС".
У мерапрыемстве, якое было арганізавана Цэнтрам еўрапейскіх палітычных даследаванняў (CEPS) сумесна з Расійскім саюзам прамыслоўцаў і прадпрымальнікаў (РСПП), узялі ўдзел пастаянны прадстаўнік Беларусі пры ЕС Андрэй Еўдачэнка, кіраўнікі місій Расіі і Казахстана пры Еўрасаюзе, прадстаўнікі еўрапейскіх інстытутаў і краін — членаў ЕС, дыпламатычнага корпуса, дзелавых асацыяцый і даследчых цэнтраў.
На семінары выступілі член калегіі (міністр) па асноўных кірунках інтэграцыі і макраэканоміцы Еўразійскай эканамічнай камісіі Таццяна Валавая, намеснік генеральнага дырэктара па гандлі Еўракамісіі Пітэр Балаш, выканаўчы дырэктар па міжнародным супрацоўніцтве РСПП Алег Прэксін.
Андрэй Серада,
БелаПАНМінск, 4 снежня 2012
