Аб гэтым заявіла 11 лістапада ў горадзе Дака на сустрэчы з прэм`ер-міністрам Беларусі Міхаілам Мясніковічам міністр сельскай гаспадаркі Бангладэш Мація Чаўдхары.
Народная Рэспублікі Бангладэш зацікаўлена ў павелічэнні імпарту калійных угнаенняў з Беларусі і сумесных праектах у аграпрамысловым комплексе.
Міністр адзначыла, што Бангладэш высока ацэньвае якасць беларускіх калійных угнаенняў і зацікаўлена ў далейшым пашырэнні партнёрства ў гэта сферы. "Мы пачалі імпартаваць беларускія калійныя ўгнаенні ў 2008 годзе і кожны год павялічваем імпарт. Спадзяюся, гэта супрацоўніцтва будзе развівацца", - заявіла яна.
Мація Чаўдхары дадала, што Бангладэш гатова разгледзець магчымасць закупак малагабарытнай сельгастэхнікі з Беларусі. Сельская гаспадарка гэтай краіны развіваецца дынамічнымі тэмпамі, і беларуская тэхніка можа быць на гэтым рынку добра запатрабаванай.
У цэлым бакі пазітыўна ацанілі перспектывы двухбаковага супрацоўніцтва і выказалі гатоўнасць абмеркаваць і іншыя сумесныя праекты ў аграпрамысловым комплексе.
12 лістапада 2012, Дака
БЕЛТА
