За студзень—верасень 2012 года станоўчае сальда знешняга гандлю таварамі склала 1 млрд. 313,8 млн. долараў, што на 358 млн. долараў менш, чым за студзень—жнівень. За студзень—верасень 2011 года гэты паказчык складаў мінус 3 млрд. 384,7 млн. долараў.

Як паведамлялася, за 2011 год адмоўнае сальда знешняга гандлю таварамі склала 5 млрд. 453,1 млн. долараў, за студзень 2012-га — станоўчае 126,1 млн. долараў, студзень—люты — плюс 387 млн., студзень—сакавік — плюс 715,7 млн., студзень—красавік — плюс 1 млрд. 24,5 млн., студзень—май — 1 млрд. 513,7 млн., студзень—чэрвень — 1 млрд. 990,6 млн., за студзень—ліпень — 2 млрд. 13,8 млн., студзень—жнівень — 1 млрд. 671,8 млн. долараў.

У студзені—верасні 2012 года аб`ём знешняга гандлю таварамі павялічыўся на 10,9% у параўнанні з такім жа перыядам 2011 года і склаў 70 млрд. 879 млн. долараў. Экспарт за дзевяць месяцаў гэтага года павялічыўся на 19,2% да 36 млрд. 96,4 млн. долараў, імпарт — на 3,3% да 34 млрд. 782,6 млн.

Сальда ў гандлі з краінамі СНД склалася адмоўнае ў 5 млрд. 827,1 млн. долараў (за студзень—верасень 2011 года — мінус 5 млрд. 374,4 млн.). Экспарт вырас на 15,6% да 17 млрд. 469,5 млн. долараў, імпарт — на 13,7% да 23 млрд. 296,6 млн. Аб`ём знешняга гандлю за студзень—верасень 2012 года склаў 40 млрд. 766,1 млн. долараў (на 14,5% больш).

Сальда ў гандлі з краінамі Мытнага саюза склалася адмоўнае ў 9 млрд. 6,7 млн. долараў (за студзень—верасень 2011 года — мінус 6 млрд. 834 млн.). Экспарт вырас на 9,8% да 12 млрд. 494,7 млн. долараў, імпарт — на 18% да 21 млрд. 501,4 млн. Аб`ём знешняга гандлю за дзевяць месяцаў 2012 года склаў 33 млрд. 996,1 млн. долараў (на 14,8% больш).

Сальда ў гандлі з РФ склалася адмоўнае на ўзроўні 9 млрд. 549,7 млн. долараў (за студзень—верасень 2011 года — мінус 7 млрд. 241,8 млн.). Знешнегандлёвы абарот з Расіяй павялічыўся на 14,8% да 33 млрд. 268,5 млн. долараў. Экспарт вырас на 9,1% (да 11 млрд. 859,4 млн.), імпарт — на 18,2% (да 21 млрд. 409,1 млн.).

Знешнегандлёвы абарот з Казахстанам павялічыўся на 16,8% да 727,6 млн. долараў. Экспарт вырас на 23,2% (да 635,3 млн.), імпарт — знізіўся на 14,3% (да 92,3 млн.). Сальда ў гандлі з Казахстанам склалася станоўчае ў 543 млн. долараў (за студзень—верасень 2011 года — плюс 407,8 млн.).

Знешнегандлёвы абарот з краінамі далёкага замежжа павялічыўся на 6,3% і склаў 30 млрд. 112,9 млн. долараў. Экспарт павялічыўся ў 1,2 разу да 18 млрд. 626,9 млн., імпарт — знізіўся на 12,8% да 11 млрд. 486 млн. Сальда склалася станоўчае ў 7 млрд. 140,9 млн. долараў (за студзень—верасень 2011 года — плюс 1 млрд. 989,7 млн. долараў).

Знешнегандлёвы абарот з краінамі ЕС павялічыўся ў 1,22 разу і склаў 21 млрд. 363,5 млн. долараў. Экспарт павялічыўся ў 1,32 разу да 14 млрд. 871,9 млн., імпарт — на 4,4% да 6 млрд. 491,6 млн. Сальда склалася станоўчае ў 8 млрд. 380,3 млн. долараў (за студзень—верасень 2011 года — плюс 5 млрд. 35,6 млн. долараў).

Марына Носава, БелаПАН
Мінск, 30 кастрычніка 2012