Беларускі бізнэсовец Уладзімер Пефціеў выйграў суд у Літве. Паводле рашэньня віленскага акруговага суду, рахункі Пефціева ў банках Эўропы ня будуць замарожаны.
27 жніўня віленскі акруговы адміністрацыйны суд задаволіў скаргу Пефціева і трох кіраваных ім кампаній на дзеяньні Міністэрства замежных спраў Літвы і Службы расследаваньняў фінансавых злачынстваў, піша газэта Lietuvos rytas.
Уладзімер Пефціеў, якога лічаць адным з самых заможных людзей Беларусі, прасіў скасаваць рашэньне МЗС Літвы, якое дазваляе замарозіць яго асабістыя рахункі ў эўрапейскіх банках.
Блякаваньне рахункаў — частка эканамічных санкцыйЭўразьвязу, якія пачалі дзейнічаць супраць кіраўніцтва Беларусі летась у адказ на рэпрэсіі у дачыненьні да апазіцыі.
Радыё Свабода, 28 жніўня 2012
