Расійскі бок павінен мець 50% плюс адну акцыю ў холдынгу Камскага аўтамабільнага завода і Мінскага аўтамабільнага завода, у адваротным выпадку структурай будзе немагчыма кіраваць, лічыць кіраўнік дзяржкарпарацыі "Растэхналогіі" Сяргей Чэмезаў.
"50 на 50 ствараць сэнсу няма, гэта некіруемая структура, тым больш з імі (з беларускім бокам), таму мы гаворым — давайце мы (Расія) пабольш возьмем крыху, але 50 плюс адзін", — цытуюць словы Чэмезава РІА Новости.
Каментуючы ход перамоў аб стварэнні холдынгу паміж КАМАЗам і МАЗам, ён адзначыў, што "ўсё па-ранейшаму". Беларусь прадставіла новую ацэнку, якая расійскі бок не задавальняе.
З прапановай аб`яднаць КАМАЗ і МАЗ выступіла дзяржкарпарацыя "Растэхналогіі", якой належыць 49,9% акцый найбуйнейшага расійскага вытворцы грузавых аўтамабіляў. Першапачаткова бакі разглядалі абмен акцыямі КАМАЗа і МАЗа ў рамках аб`яднання дзвюх кампаній, але беларускія ўлады адмовіліся ад гэтага варыянту. Затым было прапанавана стварыць СП, у якое будуць унесеныя 49,9% акцый КАМАЗа і 49,9% акцый МАЗа, а таксама шэраг прадпрыемстваў, якія вырабляюць аўтакамплектуючыя як у Расіі, так і ў Беларусі.
Марына Носава,
БелаПАНМінск, 7 мая 2012
