Нацыянальны стэнд Рэспублікі Беларусь будзе прадстаўлены на міжнароднай выставе па лагістыцы, тэлематыцы і транспарце Transport logistic-2011, якая пройдзе ў Мюнхене (Германія) з 10 па 13 мая.
Як паведамляе прэс-служба Міністэрства транспарту і камунікацый Беларусі, на нацыянальным стэндзе размесцяцца экспазіцыі РУП "Белаэранавігацыя", ДА "Беларуская чыгунка", ЗТАА "АОІ Лагістык Парк", ЗАТ "Тэхніка і камунікацыі", Асацыяцыі "БАМАП", а таксама страхавой кампаніі "ТАСК". Агульная плошча нацыянальнага стэнда складзе 70 квадратных метраў.
Міністэрства транспарту і камунікацый прадставіць начальнік упраўлення стратэгічнага развіцця, каардынацыі і інвеставання транспартных сістэм Павел Бажанаў.
Аляксей Арэшка,
БелаПАНМінск, 8 мая 2011
