"Міжведамасны савет па знешнегандлёвай палітыцы створаны для выпрацоўкі прапаноў аб каардынацыі і ўдасканальванні знешнегандлёвай палітыкі дзяржавы і пры неабходнасці ўнясення іх ва ўрад Беларусі", — гаворыцца ў дакуменце. 

Асноўнымі задачамі міжведамаснага савета з`яўляюцца: падрыхтоўка прапаноў, рэкамендацый, правядзенне кансультацый па фарміраванні канцэпцыі і стратэгіі развіцця экспартнага патэнцыялу Беларусі; арганізацыя правядзення экспертнай ацэнкі айчыннага вопыту ў галіне развіцця экспартнай дзейнасці і выпрацоўка прапаноў аб распаўсюджванні яго эфектыўных мадэлей у экспартныя галіны краіны; правядзенне аналізу па вызначэнні рэзерваў нарошчвання экспарту з улікам укаранення ў вытворчасць перадавых навуковых распрацовак; фарміраванне прапаноў аб абароне ўнутранага рынку, уключаючы меры тарыфнага і нетарыфнага рэгулявання; распрацоўка прапаноў аб удасканальванні сістэмы дзяржаўнай падтрымкі і стымулявання развіцця экспарту прадукцыі і паслуг беларускіх юрыдычных асоб і індывідуальных прадпрымальнікаў і іншыя. 

Узначаліў савет першы намеснік прэм`ер-міністра Васіль Мацюшэўскі, яго намеснікамі прызначаны намеснік міністра замежных спраў Аляксандр Гур`янаў і намеснік міністра эканомікі Антон Кудасаў. Сакратаром стаў другі сакратар аддзела садзеяння экспарту ўпраўлення забеспячэння знешнеэканамічнай дзейнасці дэпартамента знешнеэканамічнай дзейнасці Міністэрства замежных спраў Дзмітрый Гіль. У склад таксама ўвайшлі прадстаўнікі Мінгарвыканкама, Інстытута эканомікі НАН Беларусі, міністэрстваў энергетыкі, фінансаў, прамысловасці, сельскай гаспадаркі і харчавання, транспарту і камунікацый, БелГПП, Дзяржстандарта, Нацбанка, ДМК, канцэрнаў "Белнафтахім", "Беллегпрам", бізнес-саюзаў.

Марына Носава, БелаПАН
Мінск, 26 чэрвеня 2015