Так, на 1 ліпеня 2014 года знешні дзярждоўг Беларусі складаў $13,4 млрд, або 18,3 працэнта ВУП. Між тым парогавае значэнне гэтага паказчыка эканамічнай бяспекі 25 працэнтаў. Плацяжы па пагашэнні і абслугоўванні знешняга дзяржаўнага доўгу склалі 8,2 працэнта да валютнай выручкі (пры парогавым значэнні 10 працэнтаў).

Унутраны дзяржаўны доўг на 1 ліпеня складаў Br40,1 трлн, або 5,5 працэнта да ВУП (парогавае значэнне 20 працэнтаў).

Плацяжы па абслугоўванні дзяржаўнага доўгу таксама знаходзяцца ў бяспечнай зоне, складаючы 6,2 працэнта да даходаў рэспубліканскага бюджэту. Парогавае значэнне для гэтага паказчыка ўстаноўлена на ўзроўні 10 працэнтаў.

Як паведамлялася, знешні дзяржаўны доўг Беларусі па стане на 1 ліпеня 2014 года павялічыўся з пачатку года на $921,5 млн, або на 7,4 працэнта (з улікам курсавых розніц). У студзені-чэрвені 2014 года прыцягнуты знешнія дзяржаўныя пазыкі на суму $2 млрд 435,9 млн: $2 млрд па крэдыце Банка ЗГБ Расійскай Федэрацыі; $245,3 млн па дзяржаўным экспартным крэдыце ўрада Расіі і крэдыце Знешэканамбанка РФ для будаўніцтва АЭС; $166 млн па крэдытах банкаў КНР; $24,3 млн па крэдытах МБРР; $0,3 млн па крэдыце ЕБРР.

Пагашэнне знешняга дзяржаўнага доўгу з пачатку 2014 года склала $1 млрд 507,3 млн: $691,8 млн - выкананне абавязацельстваў перад МВФ па крэдыце стэнд-бай; $577,5 млн - па крэдытах урада Расіі і Банка ЗГБ РФ; $89,4 млн - па крэдытах банкаў КНР; $88,3 млн - па крэдыце АКФ ЕўрАзЭС; $52,6 млн - па крэдыце банка Венесуэлы; $6,9 млн - па крэдытах МБРР; $0,7 млн - па крэдытах ЗША; $0,1 млн - па крэдыце банка Германіі.

Унутраны дзяржаўны доўг па стане на 1 ліпеня 2014 года склаў Br40,1 трлн, павялічыўшыся з пачатку года на Br4,4 трлн, або на 12,4 працэнта (з улікам курсавых розніц).

Дзяржаўны доўг Беларусі на 1 ліпеня 2014 года павялічыўся ў параўнанні з пачаткам бягучага года на Br22,4 трлн, або на 14,6 працэнта, і склаў Br176,4 трлн.

6 жніўня 2014, Мінск
Святлана Саўко - БЕЛТА