Пагадненне Малдовы аб асацыяцыі і зоне свабоднага гандлю з Еўрасаюзам не супярэчыць добрым палітычным і эканамічным адносінам рэспублікі з краінамі Мытнага саюза - Расіяй, Беларуссю, Казахстанам і сумяшчальна з пагадненнем аб свабодным гандлі з СНД.

Юрый Лянкэ падкрэсліў, што Малдова прадоўжыць развіваць добрыя, канструктыўныя адносіны з краінамі МС на ўзаемавыгаднай аснове. Прэм`ер выказаў надзею на тое, што адносіны Малдовы з яе ўсходнімі партнёрамі палепшацца ў перспектыве, паколькі еўраінтэграцыя рэспублікі зробіць яе больш прадказальным і стабільным партнёрам. Юрый Лянкэ нагадаў, што Малдова правяла з Расіяй ужо некалькі раўндаў кансультацый па пытанні стварэння зоны свабоднага гандлю з ЕС. Аналагічныя кансультацыі будуць праведзены ў хуткім часе з Беларуссю і Казахстанам.

Прэзідэнт Малдовы Мікалай Цімофці таксама заявіў, што еўрапейскі выбар краіны не прадугледжвае варожых адносін да яе партнёраў у СНД. На думку кіраўніка дзяржавы, гэтыя краіны, з якімі ўстанавіліся традыцыйныя связі, толькі выйграюць ад супрацоўніцтва з Малдовай.

27 чэрвеня 2014, Кішынёў
Андрэй Гусін - БЕЛТА