Сорас прадставіў у Лондане сваю новую кнігу — «Трагедыя Еўрапейскага саюза». Праца ўяўляе сабой зборнік інтэрв’ю і артыкулаў, напісаных Сорасам у апошнія гады.

«Галоўная праблема еўразоны і Еўрасаюза складаецца ў тым, што прорва паміж краінамі-крэдыторамі ЕС і дзяржавамі-даўжнікамі працягвае пашырацца, — падкрэсліў Сорас. — Еўрасаюз ідзе да зацяжной стагнацыі, якая ўзмацніць дысбалансы. На жаль, ЕС можа і не перажыць гэтага крызіснага ціску».

На яго думку, лепшым варыянтам вырашэння дадзенай сітуацыі стаў бы выхад Германіі з еўразоны. «Аднак так пытанне ўжо не стаіць», — заўважыў фінансіст.

«У выніку цяпер Германія робіць усё мажлівае і нават неймавернае, каб захаваць еўра. І валюта ўстаіць, — адзначыў Сорас. — Праблема еўразоны складаецца цяпер у тым, што ФРГ рэалізуе толькі мінімальна неабходныя меры для падтрымання еўра на плаву. А між тым прорву паміж дзяржавамі еўразоны па такім ключавым паказчыкам як прафіцыт і дэфіцыт плацёжнага балансу працягвае пашырацца».

«Вострая фаза фінансавага крызісу ў Еўрасаюзе ўваходзіць у палітычны крызіс, — лічыць Сорас. — Ён выяўляецца ў першую чаргу ў двух плоскасцях: цяжкасцямі з еўра, а таксама праблемай у адносінах паміж Вялікабрытаніяй і Еўрасаюзам. У выніку вельмі правыя партыі здольныя атрымаць да траціны галасоў выбаршчыкаў у краінах ЕС. Гэта будзе мець вялікі ўплыў на ўсю сітуацыю ў саюзе, што выклікае вялікія асцярогі».

Звязда, 12 сакавіка 2014