Гэта ўжо другое з пачатку года павышэнне кошту электраэнергіі для насельніцтва — з 1 лютага з улікам колькасці спажытых кілаватаў тарыфы таксама былі зменены ў бок павелічэння.
Ва Украіне ў чарговы раз на 15% выраслі тарыфы на электраэнергію.
У той жа час Нацыянальная камісія рэгулявання электраэнергіі вывучае магчымасць і далейшага паэтапнага павелічэння тарыфаў на электраэнергію да эканамічна абгрунтаванага ўзроўню. Акрамя таго, украінскіх спажыўцоў у бягучым месяцы чакае павышэнне лімітавых коштаў на прыродны газ. Аднак замест раней запланаванага разавага росту ў 50% тарыфы будуць павялічвацца паэтапна. Разам з тым, паводле графіка выканання бюджэтных абавязацельстваў, з 1 красавіка павялічваюцца і сацыяльныя выплаты: пенсіі асобным катэгорыям грамадзян, мінімальная заработная плата і пражытковы мінімум — у сярэднім на $1,5-2.
Звязда2 красавіка 2011
