Адмоўнае сальда знешняга гандлю таварамі Беларусі за студзень-май 2024 года склалася ў памеры 1 913,1 млн долараў, вынікае з аператыўных звестак Белстата.
Знешнегандлёвы абарот таварамі за пяць месяцаў склаў 34 647,1 млн долараў. Пры гэтым экспарт склаў 16 367 млн долараў, а імпарт – 18 280,1 млн долараў.
Цікава, што згодна з афіцыйнай статыстыкай Беларусь гандлюе таварамі з СНД са станоўчым сальда, якое за названыя пяць месяцаў склалася ў памеры 690,5 млн долараў.
У той жа час гандаль з краінамі па-за СНД працягвае мець адмоўныя значэнні. З імі рэспубліка нагандлявала ў мінус на 2 603,6 млн долараў.
Па выніках мінулага года ў Беларусі таксама было адмоўнае знешнегандлёвае сальда таварамі. Пры гэтым лічба была меншай – 1715,4 млн долараў.
Раней у сярэдзіне чэрвеня прэм’ер Раман Галоўчанка паведаміў прэзідэнту Аляксандру Лукашэнку аб выніках работы айчыннай эканомікі. Тады кіраўнік дзяржавы звярнуў увагу на дысбалансы, якія склаліся ў знешнім гандлі.
Беларускі прэм’ер лічыць, што дысбаланс у гандлі атрымаўся з-за росту цэн на сырую нафту, што прывяло да росту цэн на імпартныя тавары.
"Мы павялічылі фізічныя аб’ёмы экспарту практычна на 9%, але ў грошах атрымалі крыху менш з-за цэнавай прасадкі. Задача зразумелая: лёзы гэтых нажніц будзем зводзіць разам", - запэўніў ён.
