«Рэальная заработная плата ў Беларусі вырасла на 10,4% у красавіку 2025 года пасля росту на 11,8% у сакавіку. У бюджэтным сектары аплата працы ў рэальным выражэнні, паводле нашых ацэнак, павялічылася на 11,3%. Чакаецца, што апераджальныя тэмпы росту заработнай платы ў гэтым сектары захаваюцца на фоне рашэнняў урада аб далейшым павелічэнні надбавак розным катэгорыям работнікаў бюджэтнай сферы», — гаворыцца ў макрааглядзе.

У пазабюджэтным сектары заробкі працягваюць расці ва ўмовах жорсткага рынку працы. Нягледзячы на павелічэнне колькасці занятых на 0,2% у красавіку, колькасць вакансій таксама дэманструе рост. 

«У такіх умовах чакаем захаванне высокага росту заробкаў у рэальным выражэнні ў 2025 годзе», — прагназуюць аналітыкі ЕАБР.

Звязда, 2 чэрвеня 2025