Па выніках лютага 2016 года золатавалютныя рэзервы Беларусі ў вызначэнні МВФ павялічыліся на 84,2 млн. долараў ЗША і, паводле папярэдніх звестак, на 1 сакавіка склалі 4 млрд. 111 млн. долараў, 

У нацыянальным вызначэнні аб`ём ЗВР вырас на 99,5 млн. долараў ЗША да 4 млрд. 375,2 млн. долараў ЗША ў эквіваленце.

"Падтрыманню золатавалютных рэзерваў спрыяла паступленне сродкаў ад продажу Міністэрствам фінансаў і Нацыянальным банкам Рэспублікі Беларусь аблігацый, намінаваных у замежнай валюце, павелічэнне кошту золата на міжнародным рынку каштоўных металаў, купля Нацыянальным банкам замежнай валюты на таргах ААТ "Беларуская валютна-фондавая біржа", а таксама паступленні ад збірання экспартных пошлін на нафту і нафтапрадукты", — адзначаецца ў паведамленні.

Адмоўны ўплыў на аб`ём ЗВР мела "пагашэнне ўрадам і Нацыянальным банкам Рэспублікі Беларусь знешніх і ўнутраных абавязацельстваў у замежнай валюце ў поўным аб`ёме".

Па выніках студзеня 2016 года ЗВР па методыцы МВФ скараціліся на 149 млн. долараў, у нацыянальным вызначэнні — на 192 млн. долараў.

БелаПАН
Мінск, 5 сакавіка 2016