У органах кіравання адкрытых акцыянерных таварыстваў "Віцебскдрэў" і "Рэчыцадрэў" прызначаныя прадстаўнікі дзяржавы пастановай Савета міністраў Беларусі № 977 ад 23 лістапада 2015 года.

Прадстаўніком дзяржавы ў органах кіравання ААТ "Віцебскдрэў" стаў першы намеснік старшыні Беларускага вытворча-гандлёвага канцэрна лясной, дрэваапрацоўчай і цэлюлозна-папяровай прамысловасці Дзмітрый Лізура.

У органах кіравання ААТ "Рэчыцадрэў" інтарэсы дзяржавы будзе прадстаўляць намеснік старшыні Беларускага вытворча-гандлёвага канцэрна лясной, дрэваапрацоўчай і цэлюлозна-папяровай прамысловасці Міхаіл Касько.

Марына Носава, БелаПАН
Мінск, 27 лістапада 2015