Як адзначалася на пасяджэнні, грашова-крэдытная палітыка ў I квартале 2015 года была накіравана галоўным чынам на падтрыманне макраэканамічнай устойлівасці і запавольванне інфляцыі.

Дынаміка спажывецкіх цэн у I квартале складвалася ў межах устаноўленага мэтавага параметра на 2015 год (18% з дапушчальным адхіленнем у памеры 2 працэнтных пунктаў).

За I квартал прырост спажывецкіх цэн склаў 4,9%, што адпавядае прыросту спажывецкіх цэн за аналагічны перыяд мінулага года. У гадавым выражэнні інфляцыя ў сакавіку вярнулася да ўзроўню снежня 2014 года — 16,2%.

"Стрымальнае ўздзеянне на інфляцыйныя працэсы аказвалі меры эканамічнай палітыкі, накіраваныя на аптымізацыю ўнутранага попыту, і абмежаванне грашовай прапановы з боку Нацыянальнага банка ў межах рэалізаванага рэжыму манетарнага таргетавання", — адзначае рэгулятар.

Дынаміка прамежкавага арыенціра манетарнай палітыкі — прыросту сярэдняй шырокай грашовай масы — у I квартале 2015 года ў цэлым знаходзілася ў межах прагнознай траекторыі дасягнення ўстаноўленых параметраў. У сакавіку прырост сярэдняй шырокай грашовай масы склаў у гадавым выражэнні 36,9% пры мэтавым арыенціры на канец 2015 года не больш чым 30%. 

"Надалей Нацыянальны банк працягне таргетаваць аб`ём грашовай прапановы такім чынам, каб інфляцыя не перавысіла ўстаноўлены прагнозны параметр", — паведамляе галоўны банк краіны.

Аляксей Арэшка, БелаПАН
Мінск, 24 красавіка 2015