ААТ "Банк развіцця Рэспублікі Беларусь" (БРРБ) плануе адкрыць праграму фінансавання сумесных беларуска-кітайскіх праектаў з прыцягненнем замежных крэдытных рэсурсаў. 

У бліжэйшы час Банк развіцця атрымае магчымасць прадастаўляць ільготныя крэдыты суб`ектам гаспадарання на тэрмін да 15 гадоў. Пры гэтым прадугледжана адтэрміноўка па пагашэнні асноўнага доўгу да 5 гадоў. Цяпер БРРБ прымае заяўкі на фінансаванне сумесных беларуска-кітайскіх праектаў, адзначылі ў прэс-цэнтры.

Праграма будзе накіравана на падтрымку кліентаў прыватнага і дзяржаўнага сектара Беларусі, уключаючы сферу малога і сярэдняга бізнесу. Да разгляду прымаюцца інвестыцыйныя праекты, якія прадугледжваюць пастаўку тавараў, работ, паслуг з КНР.

10 красавіка 2015, Мінск
БЕЛТА