Старшыня Дзяржаўнага мытнага камітэта Аляксандр Шпілеўскі і часовы павераны ў справах Кітая ў Беларусі Жэнь Шы падпісалі 27 снежня двухбаковы акт аб перадачы беларускім мытным органам стацыянарнага інспекцыйна-надгляднага комплексу.
Як паведамляе прэс-служба ДМК, будаўніцтва комплексу вялося ў адпаведнасці з кантрактам аб бязвыплатнай дапамозе ўрада КНР ураду Беларусі, заключаным 1 сакавіка 2011 года паміж ДМК і кампаніяй Nuctech, адным з сусветных лідараў у сферы распрацоўкі і вытворчасці рэнтгенаўскіх сканавальных сістэм.
Стацыянарны інспекцыйна-надглядны комплекс устаноўлены ў пункце пропуску "Казловічы" Брэсцкай мытні і прызначаны для рэнтгенаўскага сканавання аўтатранспартных сродкаў, якія перамяшчаюцца цераз мытную мяжу.
Усе работы па праекце выкананы кітайскім бокам пад ключ, у тым ліку будаўніцтва памяшканняў для размяшчэння абсталявання і персаналу, пастаўка рэнтгенаўскай сканавальнай сістэмы і іншага дапаможнага абсталявання, мантаж, наладка абсталявання, навучанне персаналу. Цягам трох гадоў тэхнічнае абслугоўванне і рамонт комплексу будзе выконваць кітайскі бок.
Агульны аб`ём бязвыплатнай тэхнічнай дапамогі па гэтым праекце склаў 25 млн. кітайскіх юаняў (прыблізна 4 млн. долараў ЗША).
Алякей Арэшка,
БелаПАНМінск, 27 снежня 2011
