https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Аляксандр Лукашэнка: трэба выйсці прыкладна на японскі ўзровень якасці


Беларускія ўлады вырашылі сёлета аддаць прыярытэтнае значэнне забеспячэнню выпуску выключна якаснай айчыннай прадукцыі.
У Год якасці прадукцыя, якая вырабляецца, і заўсёды, павінна быць на найвышэйшым узроўні, заявіў кіраўнік Беларусі Аляксандр Лукашэнка ў Палацы Незалежнасці падчас нарады па прамысловасці.

Паводле яго слоў, гэта не нечы капрыз, а жыццёвая неабходнасць, таму што закранае будучыню краіны. Беларускія тавары павінны быць якаснымі па ўсіх паказчыках.

Цяпер айчынным вытворцам даводзіцца з цяжкасцю канкурыраваць з кітайскай прамысловасцю.

"Значыць, трэба браць выключнай якасцю прадукцыі і забеспячэннем неабходнага для спажыўца сэрвісу. Мы павінны выйсці прыкладна на японскі ўзровень якасці", - цытуе Лукашэнку БелТА.

Беларускі лідар лічыць, што айчынныя вытворцы павінны замацавацца на знешніх рынках і павялічваць сваю долю. Пагоня за мінімальнымі цэнамі можа пры гэтым прывесці да страты якасці і ўласнай вытворчасці кампанентаў.

Паводле яго слоў, выпадкі, калі новая тэхніка выходзіць са строю яшчэ да пачатку выкарыстання, недапушчальны. Ёсць недахопы і ў тым, як арганізавана сэрвіснае абслугоўванне.

Мінск, 9 красавіка 2024
Sputnik
 
Дата публикации:09.04.2024
Тематика:Товары из Беларуси, Экономика
Просмотров:123
 
Ключевые слова:
Год качества Экспорт
 
 


Комментарии



 



Другие новости по этой теме