https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Галоўчанка і Мамін абмеркавалі гандлёва-эканамічнае супрацоўніцтва Беларусі і Казахстана


Прэм`ер-міністр Беларусі Раман Галоўчанка правёў рабочую сустрэчу з прэм`ер-міністрам Казахстана Аскарам Маміным.
"Нашы адносіны развіваюцца даволі інтэнсіўна. Мы чакаем у 2022 годзе афіцыйны візіт Прэзідэнта Казахстана ў Беларусь, і думаю, што да гэтага часу будуць дасягнуты нядрэнныя вынікі, тым больш што тэндэнцыі ўзаемнага гандлю ў нас добрыя, тавараабарот павялічыўся, вырас як экспарт Беларусі ў Казахстан, так і экспарт Казахстана ў Беларусь. Гэта сведчыць аб тым, што знешні гандаль у нас збалансаваны", - сказаў Раман Галоўчанка.

Прэм`ер-міністр таксама закрануў тэму супрацоўніцтва дзвюх краін у сельскай гаспадарцы, абмеркаваў будаўніцтва малочнатаварных комплексаў, развіццё жывёлагадоўлі і прамысловай кааперацыі, а таксама ўзаемадзеянне ў машынабудаўнічай галіне.

Аскар Мамін у сваю чаргу адзначыў, што Беларусі і Казахстану неабходна вырашаць актуальныя пытанні. "Кіраўнікі нашых дзяржаў ставяць перад намі канкрэтныя задачы па ўсебаковым развіцці казахстанска-беларускіх адносін, пашырэнні гандлёва-эканамічнага, інавацыйнага і навуковага супрацоўніцтва. Мы рады магчымасці сёння сустрэцца ў двухбаковым фармаце і абмеркаваць усе гэтыя пытанні", - сказаў прэм`ер-міністр Казахстана.

19 лістапада 2021, Ерэван
БЕЛТА
 
Дата публикации:19.11.2021
Тематика:ЕАЭС, Экономика
Просмотров:259
 
Ключевые слова:
Казахстан Товарооборот Сотрудничество
 
 


Комментарии



 



Другие новости по этой теме