https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Галоўчанка і Жапараў абмеркавалі эканамічнае супрацоўніцтва Беларусі і Кыргызстана


Прэм`ер-міністр Беларусі Раман Галоўчанка правёў рабочую сустрэчу са старшынёй Кабінета міністраў - кіраўніком адміністрацыі прэзідэнта Кыргызстана Акылбекам Жапаравым.
"Кыргызстан для нас блізкая і дружалюбная краіна, і мы рады аднавіць паўнацэннае ўзаемадзеянне з улікам эканамічных магчымасцей і патэнцыялу нашых краін. Прыемна, што дыялог будзе не толькі на ўзроўні цэнтральных урадаў, але і рэгіёнаў. У нас расце ўзаемны гандаль, тавараабарот наблізіўся да $70 млн, прычым расце як беларускі экспарт у Кыргызстан, так і кыргызстанскі экспарт у Беларусь, гэта добра", - адзначыў Раман Галоўчанка.
Прэм`ер-міністр Беларусі падкрэсліў, што беларускі бок рад уносіць уклад ва ўмацаванне харчовай бяспекі Кыргызстана, з`яўляючыся адным з пастаўшчыкоў прадуктаў харчавання, якія маюць добры попыт і карыстаюцца папулярнасцю ў жыхароў краіны. "У той жа час мы зацікаўлены ў атрыманні сельскагаспадарчай прадукцыі, якая ў нас не расце, - гэта фрукты, арэхі і іншая прадукцыя. Гэтыя пытанні трэба абмяркоўваць", - сказаў ён.

"Радуе, што ў нас рэалізуецца сумесны вытворчы праект і ў бягучым годзе адкрыта сумесная вытворчасць трансфарматараў. Мы разлічваем, што гэты праект атрымае далейшае развіццё. Цяпер разглядаецца праект па развіцці электратэхнікі сумеснай вытворчасці, яго таксама трэба абмяркоўваць, кааперацыйная тэматыка павінна быць уключана ў парадак дня пасяджэння", - адзначыў Раман Галоўчанка.

Старшыня Кабінета міністраў - кіраўнік адміністрацыі прэзідэнта Кыргызстана Акылбек Жапараў у сваю чаргу паведаміў аб вялікай пастаўцы аўтобусаў беларускай вытворчасці ў Бішкек, а таксама адзначыў высокую якасць рознай беларускай прадукцыі. Ён таксама прапанаваў Беларусі стаць правадніком і партнёрам па выхадзе на рынак Кітая.

Сустрэча адбылася на палях Еўразійскага міжурадавага савета, які праходзіць 18-19 лістапада ў Ерэване (Арменія).

19 лістапада 2021, Мінск
БЕЛТА
 
Дата публикации:19.11.2021
Тематика:ЕАЭС, Экономика
Просмотров:263
 
Ключевые слова:
Кыргызстан Товарооборот Сотрудничество
 
 


Комментарии



 



Другие новости по этой теме