https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Лідары краін Еўразійскага эканамічнага саюза сёння на пасяджэнні Вышэйшага Еўразійскага эканамічнага савета падпісалі пакет паправак у Дагавор аб ЕАЭС


Аб гэтым на брыфінгу па выніках анлайн-саміту паведаміла афіцыйны прадстаўнік Еўразійскай эканамічнай камісіі Ія Малкіна.
"Падпісаны пакет паправак у Дагавор аб ЕАЭС - так званы другі Вялікі пратакол, - сказала Ія Малкіна. - Работа над ім вялася з 2017 года. Усяго ў дакумент уключана 139 паправак, якія накіраваны на ўстараненне прабелаў у прававым рэгуляванні, зняцце існуючых абмежаванняў, надзяленне камісіі шэрагам дадатковых паўнамоцтваў".

Афіцыйны прадстаўнік ЕЭК пералічыла некаторыя змяненні ў Дагавор аб ЕАЭС: "Выключаюцца абмежаванні для працоўных, якія прэтэндуюць на работу ў сферы педагагічнай і юрыдычнай дзейнасці ў іншай дзяржаве саюза. Да гэтага часу яны павінны былі праходзіць працэдуру прызнання дакументаў аб адукацыі. У працоўных з`яўляецца магчымасць змяніць мэту ўезду, не пакідаючы тэрыторыю дзяржавы працаўладкавання".

У Дагавор аб ЕАЭС уключаны новы артыкул, які вызначае парадак дзяржаўнага кантролю на мытнай граніцы саюза. У права саюза ўкараняецца механізм правядзення ацэнкі рэгулюючага ўздзеяння праектаў міжнародных дагавораў у рамках ЕАЭС, якія могуць аказаць уплыў на ўмовы вядзення прадпрымальніцкай дзейнасці, а таксама ацэнкі фактычнага ўздзеяння прынятых рашэнняў ЕЭК.

Акрамя таго, удакладняецца парадак выплаты ўскосных падаткаў пры імпарце тавараў, купленых у фізічнай асобы іншай дзяржавы саюза, а таксама замацоўваецца механізм спагнання ПДВ пры аказанні паслуг паміж галаўным офісам і яго філіялам у іншай краіне ЕАЭС.

Пасяджэнне Вышэйшага Еўразійскага эканамічнага савета прайшло ў рэжыме відэаканферэнцыі. У ім прыняў удзел Прэзідэнт Беларусі Аляксандр Лукашэнка.

10 снежня 2021, Масква
Эдуард Півавар - БЕЛТА
 
Дата публикации:10.12.2021
Тематика:ЕАЭС, Экономика
Просмотров:194
 
Ключевые слова:
Интеграция Высший Евразийский экономический совет Правовое регулирование
 
 


Комментарии



 



Другие новости по этой теме