https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Беспрацоўе ў ЕАЭС скарацілася на 67 працэнтаў, самы нізкі ўзровень зафіксаваны ў Беларусі


Аб гэтым сведчаць дадзеныя экспрэс-інфармацыі Дэпартамента статыстыкі Еўразійскай эканамічнай камісіі.
"Колькасць беспрацоўных, зарэгістраваных у службах занятасці насельніцтва дзяржаў Еўразійскага эканамічнага саюза, па стане на канец снежня 2021 года склала 1 млн чалавек і скарацілася на 67 працэнтаў у параўнанні з аналагічнай датай 2020 года, - гаворыцца ў экспрэс-інфармацыі. - Такім чынам, колькасць беспрацоўных складае 1,1 працэнта ад колькасці рабочай сілы. У 2020 годзе гэты паказчык складаў 3,3 працэнта".

Паводле дадзеных ЕЭК, у Беларусі ў снежні 2021 года налічвалася 5,3 тыс. беспрацоўных, што складае 0,1 працэнта да колькасці рабочай сілы (у снежні 2020 года 7,2 тыс. і 0,2 працэнта адпаведна), у Кыргызстане - 76 тыс., або 2,9 працэнта (у снежні 2020 года 76,7 тыс. і 3 працэнты), у Казахстане - 97,9 тыс., або 1,1 працэнта (у снежні 2020 года 141,8 тыс. і 1,5 працэнта), у Расіі - 776,9 тыс., або 1 працэнт (у снежні 2020 года 2 млн 773,1 тыс. і 3,7 працэнта). У Арменіі за год колькасць беспрацоўных скарацілася з 61,3 тыс. да 58,2 тыс. (даныя аб працэнтных адносінах да колькасці рабочай сілы па гэтай краіне адсутнічаюць).

"Паводле апошніх існуючых даных у адпаведнасці з метадалогіяй Міжнароднай арганізацыі працы ўзровень беспрацоўя па ЕАЭС у ІІІ квартале 2021 года склаў, паводле ацэнкі, 4,6 працэнта ад колькасці рабочай сілы, у тым ліку ў Арменіі - 15 працэнтаў, Беларусі - 3,7 працэнта, Казахстане - 4,9 працэнта, Расіі - 4,4 працэнта, Кыргызстане - 5,8 працэнта (2020 год)", - гаворыцца ў інфармацыі Дэпартамента статыстыкі ЕЭК.

16 лютага 2022, Масква
Эдуард Півавар - БЕЛТА
 
Дата публикации:16.02.2022
Тематика:ЕАЭС, Экономика
Просмотров:237
 
Ключевые слова:
Рынок труда Безработица Статистика ЕЭК
 
 


Комментарии



 



Другие новости по этой теме