https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Старажытныя іконы сакрэтна вывезлі з Украіны ў Францыю


Візантыйскія іконы, якія былі дастаўлены з Кіева ў Францыю і ў цяперашні час часткова выстаўлены ў Луўры, вывозіліся ў абстаноўцы поўнай сакрэтнасці. Аб гэтым перадае The Wall Street Journal.
Паводле звестак выдання, 16 рэдкіх ікон з калекцыі Нацыянальнага музея мастацтваў імя Багдана і Барбары Ханенкаў у Кіеве ў маі 2023 года былі транспартаваны ў Францыю праз Польшчу і Германію пад ваенным канвоем у спецыяльных кантэйнерах. Як адзначаецца, пяць абразоў сталі экспанатамі выставы Луўра «Ля вытокаў свяшчэннай выявы» (Aux origines de l’image sacrée), якая праходзіць у парыжскім музеі да 29 студзеня, а астатнія 11 ікон знаходзяцца ў музейным сховішчы.

У матэрыяле гаворыцца, што кіраўнік аддзела візантыйскага і ўсходнехрысціянскага мастацтва Луўра Максімільен Дзюран заявіў: «Ніхто, акрамя вузкага кола, не ведаў, што мы гэтым займаемся».

У пачатку чэрвеня 2023 г. газета 20 Minutes інфармавала аб планах Луўра выставіць 16 твораў мастацтва, якія былі вывезены з Кіева.

Паводле інфармацыі газеты Le Monde, у Парыж былі вывезены чатыры рэдкія візантыйскія іконы, якія першапачаткова знаходзіліся ў манастыры святой Кацярыны на гары Сінай, а таксама мазаічнае пано XIII стагоддзя з выявай святога Мікалая. Чакалася, што выстава пяці ікон пройдзе з 14 чэрвеня па 6 лістапада 2023 года. Астатнія 11 твораў мастацтва будуць знаходзіцца ў Луўры на рэстаўрацыі.

26 чэрвеня 2023 года кіраўнік Службы знешняй разведкі Расіі Сяргей Нарышкін заявіў, што кіеўскія ўлады дамовіліся з ЮНЕСКА аб вывазе ў музеі Еўропы хрысціянскіх каштоўнасцяў Кіева-Пячэрскай лаўры, у тым ліку мошчаў, якія захоўваюцца ў ёй, і наступнай перадачы іх музеям Італіі, Францыі, Ватыкана.

Звязда, 27 студзеня 2024
 
Дата публикации:27.01.2024
Тематика:Бизнес, Культура
Просмотров:90
 
Ключевые слова:
Украина ЮНЕСКО Франция Киево-Печерская Лавра
 
 


Комментарии



 



Другие новости по этой теме