Парк незвычайных забаў размясціўся на плошчы 2,5 га ў Дзяржынскім раёне і будзе працаваць да 29 кастрычніка.

Кошт білета складзе Br4-7, дзецям да 7 гадоў уваход бясплатны. У кукурузным лабірынце будзе некалькі ўзроўняў складанасці, яго можна прайсці як паасобку, так і камандай.

У час квеста наведвальнікі змогуць выпрабаваць сябе ў ролі сышчыкаў, лепшыя атрымаюць узнагароду і званне першапраходца "Кукуполіса".

Таксама прадугледжаны атракцыёны для дзяцей (горкі, арэлі, батуты, паветраныя змеі, водныя пісталеты), фуд-корт. Будзе працаваць кантактны заапарк, дзе прапануюць пракаціцца на конях, пагуляць з трусамі і падаіць коз.

У зоне адпачынку аграпарку побач з возерам размешчаны палатачны гарадок, горад майстроў.

19 ліпеня 2017, Мінск
БЕЛТА