Урад Японіі выдзеліў грант у 55,6 тысячы долараў на куплю медыцынскага абсталявання для філіяла магілёўскай паліклінікі № 8.

Кантракт будзе падпісаны ў Магілёве 22 кастрычніка. За выдзеленыя сродкі для паліклінікі плануюць закупіць ультрагукавы партатыўны сканер з трыма датчыкамі і цялежкай для стацыянарнага размяшчэння, праявачны працэсар для аўтаматычнай апрацоўкі рэнтгенаўскай плёнкі і аўтаматычны гематалагічны аналізатар.

Грант на куплю абсталявання для магілёўскай паліклінікі з`яўляецца 34-м па ліку грантавым праектам Японіі ў Беларусі. Усяго ў межах праграмы "Грантавая дапамога для праекта па бяспецы насельніцтва" з 2004 года па 2015-ы ўрадам Японіі выдзелена амаль 2,9 млн. долараў.

Анастасія Салановіч, БелаПАН
Мінск, 21 кастрычніка 2015