У спаборніцтвах прымуць удзел каля 20 каманд з Беларусі, Расіі, Малдовы, Украіны і Германіі. Усяго на турніры выступяць больш за 200 спартсменаў ва ўзросце ад 6 да 16 гадоў. Пераможцаў і прызёраў узнагародзяць медалямі, граматамі, каштоўнымі падарункамі і памятнымі сувенірамі.

"У Магілёве спаборніцтвы праводзяцца чатырнаццаты год запар. Кожны раз яны выклікаюць усё большую цікавасць як спартсменаў, так і гледачоў, паколькі акрабатыка вельмі яркі і відовішчны від спорту, - расказалі субяседнікі. - На "Кіндэр-сюрпрызе" пачынаючыя спартсмены робяць першыя крокі ў вялікі спорт. Для больш вопытных акрабатаў турнір становіцца добрай пляцоўкай, дзе яны могуць павысіць майстэрства і атрымаць спаборніцкі вопыт".

Спаборніцтвы праводзяцца з мэтай папулярызацыі, развіцця акрабатыкі ў Магілёўскай вобласці і Беларусі, павышэння і ўдасканалення спартыўнага майстэрства юных акрабатаў, а таксама пашырэння сувязей па абмене вопытам падрыхтоўкі спартсменаў, умацавання дружалюбных адносін са спартсменамі іншых краін.

Арганізатарамі турніру выступаюць упраўленне спорту і турызму Магілёўскага аблвыканкама, упраўленне адукацыі, спорту і турызму гарвыканкама і Магілёўская гарадская СДЮШАР "Багіма" імя Мішчанкі.

1 сакавіка 2019, Магілёў
Сяргей Кулягін - БЕЛТА