У сферы турызму рэгіён развіваецца даволі эфектыўна, адзначыла Алена Барздыка. "Удзельная вага экспарту турыстычных паслуг Віцебскай вобласці ў агульным аб`ёме самая высокая сярод абласцей. Больш за 10 працэнтаў у нашым экспарце паслуг займаюць турыстычныя паслугі. Гэта санаторыі, дамы адпачынку, базы адпачынку. На сёння пачата рэалізацыя праектаў у сферы турызму. Вядомы турыстычны комплекс "Чырвоны Бор" у Верхнядзвінскім раёне на сённяшні дзень пачаў рэалізацыю праекта па пашырэнні колькасці месцаў для пражывання і будаўніцтве СПА-комплексу там жа. У наступным годзе павінны завяршыць. Значыць, гэта будуць не толькі паслугі палявання і рыбалкі", - расказала яна.

На Новы год усе санаторыі заняты і распісаны, дадала яна. "Санаторыі браніруюць наперад, на летні перыяд асабліва. Наш санаторый у Глыбоцкім раёне "Пліса", які быў таксама пабудаваны з нуля інвестарам, вельмі запатрабаваны", - заўважыла Алена Барздыка.

26 снежня 2024, Мінск
БЕЛТА