Ужо сам факт правядзення гэтага турніру прынёс радасць, у Беларусі, шчыра кажучы, засумавалі па прыгожаму біятлону. А нашы спартсмены памножылі добры настрой і ўражанні — беларускія біятланісты заваявалі 12 узнагарод Кубка. Каб дадаць пазітыву і самім героям спаборніцтваў, у «Раўбічах» прайшло ўшанаванне спартсменаў, трэнераў і спецыялістаў, без якіх свята спорту было б немагчымым. 

«Мы вырашылі прыехаць у госці да вас, не запрашаючы на афіцыйныя мерапрыемствы ў алімпійскі камітэт або Мінспорту для таго, каб захаваць хатнюю і душэўную атмасферу. Найперш, вам вялікі дзякуй, за тое, што вы падарылі нам, нашай Беларусі такое свята. Кубак наймацнейшых спартсменаў — гэта, сапраўды, як чэмпіянат свету. Эмоцыі адпаведныя. Пачынаючы ад тых спаборніцтваў, дзе Антон Смольскі ішоў першым і перамог з вялікім адрывам, і заканчваючы гонкай, дзе Дзіма Лазоўскі на фінішы літаральна на лыжу апярэдзіў саперніка і выйграў серабро. Кожнае імгненне, не толькі для нас, людзей, якія адказваюць за спорт, але і для ўсёй нашай краіны, усіх аматараў спорту — свята. Мы ўспомнілі тыя эмоцыі, якія былі, калі заўзелі за біятлон на сусветным узроўні. Гэта лішні раз падштурхоўвае нас, спартыўных функцыянераў, да таго, каб зрабіць усё для вяртання вас у вялікі спорт на вялікія арэны. Упэўнены, там вы будзеце займаць дастойныя высокія месцы», — сказаў прэзідэнт Нацыянальнага алімпійскага камітэту Віктар Лукашэнка. Ён заўважыў, што ў «Раўбічах» была сабрана вялікая і лепшая частка сусветнага біятлона.

«Вы гэта даказалі. Сваімі эмоцыямі, імкненнем дабіцца перамогі, нягледзячы ні на што, паказалі мужнасць, шалёную мэтанакіраванасць, якая матывуе не толькі маладое пакаленне біятланістаў, але і іншых спартсменаў, а таксама простых людзей на добрыя ўчынкі ў імя нашай краіны, у імя родных і блізкіх, — сказаў кіраўнік НАК Беларусі. 

Асобна Віктар Лукашэнка падзякаваў трэнерам, сэрвісам, урачам — усёй камандзе, якая прымала ўдзел у падрыхтоўцы спаборніцтваў. Самых цёплых удзячнасці вартыя супрацоўнікі комплексу ў «Раўбічах». У кароткі тэрмін яны здолелі нарыхтаваць снег і правесці гэтыя важныя спаборніцтвы на самым высокім узроўні.

Галоўны трэнер нацыянальнай зборнай Алег Рыжанкоў вынікамі выступленнямі сваіх падапечных задаволены. Але, адзначае, ўзнагарод магло б быць і больш.

«Многія спартсмены праявілі сябе з лепшага боку, і хлопцы, і дзяўчаты. Антон Смольскі, як лідар каманды, быў на вышыні, чатыры залатых медалі — цудоўны вынік. Дзінара Смольская выдатна выступілі. У эстафеце спартсмены праявілі сябе. Можна толькі ганарыцца нашымі спартсменамі», — сказаў ён.

Сапраўдны фурор на дамашнім старце зрабіў лідар нацыянальнай каманды Антон Смольскі. Ён перамог у спрынце, мас-старце, гонцы пераследу і разам з жонкай Дзінарай Смольскай — у змешанай эстафеце.

«Атрымліваць прэміі, узнагароды — прыемна і лёгка. Але для гэтага мы правялі вялікую работу. Усе працавалі вельмі шмат. І я рады, што гэтая праца ўвасобілася ў вынік і мы парадавалі ўсю краіну», — падзяліўся Антон Смольскі. Ён расказаў, што яму вельмі спадабаўся маштаб і узровень спаборніцтваў.

«Калі я прыйшоў на апошнюю прыстрэлку, я ўбачыў, што ўсе трыбуны запоўненыя. Гэта, з аднаго боку, дадавала ціску. Але, з іншага боку, радавала, што людзей цікавіць біятлон і хацелася паказаць лепшы вынік і паказаць яго прыгожа», — адзначыў спартсмен. 

Аднак доўга радавацца біятланістам не прыйшлося, яны ўжо вярнуліся да трэніровак. «Сапернікі не стаяць на месцы, удасканальваюцца , таму нам трэба заўсёды быць гатовымі», — адзначыў Антон Смольскі. 

Зараз каманда праводзіць вучэбна-трэнірованчы збор на базе родных «Раўбічах». Наступны буйны старт — чэмпіянат Расіі ў сакавіку, затым — яшчэ на адзін чэмпіянат у Ханты-Мансійску, пасля гэтага — на Кубак Садружнасці ў Мурманску.