Беларускі крайні нападнік Андрэй Касціцын, які выступае ў КХЛ за чалябінскі "Трактар", прызнаны прыхільнікамі клуба найлепшым гульцом каманды ў кастрычніку, паведамляе сайт "Трактара".
Згодна з апытаннем фанатаў, што праводзіцца на сайце клуба, Касціцын набраў 6.276 галасоў (17%), апярэдзіўшы галкіпера Майкла Гарнета (5.793). Усяго ў апытанні ўдзельнічалі 36.822 фанаты.
У гэты момант Касціцын займае пятае месца сярод найлепшых бамбардзіраў "Трактара": у 17 гульнях ён набраў 13 (8+5) ачкоў.
Аляксандр Ванковіч,
БелаПАНМінск, 1 лістапада 2012
