Мінскі футбольны клуб "Крумкачы", а таксама яшчэ адзін дэбютант "Іслач" (Мінскі раён) і мікашэвіцкі "Граніт" атрымалі ліцэнзіі на права выступіць у вышэйшай лізе. 

Такім чынам, патрабаванні камітэта выканалі 13 з 16 клубаў топ-дывізіёна. Брэсцкаму "Дынама" і наваполацкаму "Нафтану" адмоўлена ў ліцэнзіях. Усе недахопы яны павінны выправіць да 21 сакавіка, калі адбудзецца пасяджэнне апеляцыйнага камітэта па клубным ліцэнзаванні. Бабруйская "Белшына" падала частку дакументаў толькі 11 сакавіка, таму яе пытанне камітэт па ліцэнзаванні разгледзіць "у пачатку наступнага тыдня".

Дзмітрый Уласаў, БелаПАН
Мінск, 11 сакавіка 2016