Беларускі біятланіст пераадолеў дыстанцыю за 39 мін 05,3 сек (0+0+1+0), дапусціўшы адзін промах на чатырох агнявых рубяжах. Крыўко паказаў хуткі ход па дыстанцыі. Украінец Антон Дудчанка, які заняў другое месца і дапусціў таксама ўсяго адну памылку на стрэльбішчы, уступіў беларусу больш як мінуту - +1 мін 15,0 сек (0+0+1+0).

Бронзавым прызёрам юніёрскага чэмпіянату Еўропы па біятлоне стаў Раман Яромін з Казахстана - + 1 мін 40,6 сек (1+0+1+0).

17 сакавіка ў Паклюцы таксама адбудзецца індывідуальная гонка на 12,5 км у юніёрак, якая пачнецца ў 16.30 па мінскім часе. За зборную Беларусі выступяць Дар`я Блашко, Ганна Сола і Дынара Алімбекава.

17 сакавіка 2016, Мінск
БЕЛТА