Міністэрства спорту і турызму ўнесла змяненні ў пастанову «Аб зацвярджэнні Адзінай спартыўнай класіфікацыі Рэспублікі Беларусь». 

Дакумент уносіць змяненні ў пастанову ад 31 жніўня 2018 года нумар 61 «Аб зацвярджэнні Адзінай спартыўнай класіфікацыі Рэспублікі Беларусь». Адзначаецца, што разрадныя патрабаванні адзінай спартыўнай класіфікацыі для прысваення спартыўных званняў і разрадаў распаўсюджваюцца на спартыўныя вынікі, дасягнутыя спартсменамі пасля 1 студзеня 2018 года на рэспубліканскіх спаборніцтвах (турнірах, лігах), уключаных у рэспубліканскі каляндарны план правядзення спартыўных мерапрыемстваў. Гаворка ідзе пра наступныя віды: армрэстлінг, бодыбілдынг, в’е ва дао, гіравы, гарадошны спорт, MMA (змешаныя адзінаборствы), паўэрліфтынг, пажарна-выратавальны, рыбалоўны спорт, рукапашны бой, спартыўнае зімовае плаванне, спортынг, сумо, спартыўны турызм, танцы.

Званні «Майстар спорту Рэспублікі Беларусь міжнароднага класа» (МСМК) не прысвойваюцца ў відах спорту, у якіх беларускія спартсмены дапушчаны міжнароднымі спартыўнымі арганізацыямі да ўдзелу ў чэмпіянатах (кубках, першынствах) свету або Еўропы, Алімпійскіх гульнях, Паралімпійскіх гульнях, Еўрапейскіх клубных кубках, універсіядзе, Сусветных гульнях, Сусветных гульнях ваенных, за спартыўныя вынікі, дасягнутыя на іншых міжнародных спартыўных спаборніцтвах, уключаных у каляндарны план міжнародных спартыўных федэрацый або план Рэспублікі Беларусь, або адзіны каляндарны план міжрэгіянальных, усерасійскіх і міжнародных фізкультурных мерапрыемстваў і спартыўных мерапрыемстваў Расійскай Федэрацыі, таксама на чэмпіянатах (кубках, першынствах) Расіі.

У пастанове ўказаны ўмовы адзінай спартыўнай класіфікацыі для прысваення спартыўных званняў і разрадаў на спаборніцтвах, якія адбыліся пасля 1 студзеня 2022 года. Прадугледжана, што спартсменам, якія выканалі гэтыя ўмовы, могуць прысвойвацца спартыўныя званні і разрады за гэтыя дасягнутыя вынікі.

Дакумент уступае ў сілу пасля афіцыйнага апублікавання.

Звязда, 23 сакавіка 2024