6 сакавіка ў славенскай Паклюцы стартаваў першы пасляалімпійскі этап Кубка свету па біятлоне.
Сёмы па ліку ў гэтым сезоне кубкавы этап адкрыўся мужчынскай спрынтарскай гонкай на 10 км з двума агнявымі рубяжамі.
Перад трыма заключнымі этапамі Кубка свету лідар жаночай зборнай Беларусі, трохразовая алімпійская чэмпіёнка Сочы-2014 Дар`я Домрачава займае другое месца ў агульным заліку, маючы ў сваім актыве 455 ачкоў. Наперадзе толькі нарвежская спартсменка Тура Бергер, у якой на 6 балаў больш. У тройку фаварытаў таксама ўваходзіць фінская біятланістка Кайса Мякярайнен, у якой 444 ачкі.
Бронзавы прызёр сочынскіх Гульняў Надзея Скардзіна пасля 6 праведзеных кубкавых этапаў набрала 220 балаў і знаходзіцца на 24-й пазіцыі ў агульным заліку.
Што датычыцца мужчынскай беларускай зборнай, лепшы з яе прадстаўнікоў Яўген Абраменка мае ў сваім актыве 51 ачко і займае 56-е месца. Лідзіруе тут Мартэн Фуркад, у якога 534 балы, на другой пазіцыі нарвежац Эміл-Хегле Свендсэн (413), а трэцім ідзе нямецкі біятланіст Сімон Шэмп (370).
Поўны расклад этапу Кубка свету ў Паклюцы:
6 сакавікаМужчынскі спрынт 10 км
Жаночы спрынт 7,5 км
8 сакавікаМужчынская гонка праследавання 12,5 км
Жаночая гонка праследавання 10 км
9 сакавікаМужчынкі мас-старт 20 км
Жаночы мас-старт 15 км.
6 сакавіка 2014, Мінск
БЕЛТА
