Прадстаўнікі Казахстану падалі афіцыйную скаргу ў Алімпійскі камітэт Азіі, у сувязі з тым, што на спаборніцтвах у Кувэйце ў гонар перамогі казахскай спартоўкі Марыі Дзьмітрыенкі арганізатары зайгралі парадыйны гімн Казахстану з сатырычнага кінафільму «Борат».
Паводле спартовых уладаў Казахстану, віну за гэтае здарэньне нясуць кувэйцкія арганізатары спаборніцтваў па стральбе. Раней тыя ўжо прынесьлі афіцыйныя прабачэньні за інцыдэнт.
Фільм, зьняты ў 2006 годзе з ангельскім комікам Сашам Баронам Коэнам у галоўнай ролі, быў забаронены ў Казахстане і ў бальшыні арабскіх краінаў.
Радыё Свабода 27 сакавіка 2012
