"Гаворачы аб гэтым сезоне, хацелася б адзначыць, што беларусы ў дакавідны час прывыклі падарожнічаць усё ж такі за межамі сваёй краіны, многія з іх забылі, што і на радзіме ёсць шмат цудоўных мясцін, - нагадала дырэктар. - Таму менавіта рост унутранага турызму - асноўны дэвіз гэтага года".

Асабліва Святлана Кончыц параіла звярнуць увагу на экалагічны турызм, адпачынак у прыродаахоўных установах, якіх у сістэме Кіраўніцтва справамі Прэзідэнта Рэспублікі Беларусь пяць. Гэта нацыянальныя паркі "Белавежская пушча", "Нарачанскі", "Прыпяцкі", "Браслаўскія азёры", а таксама Бярэзінскі біясферны запаведнік.

"Медыцынскія працэдуры добра, але трэба яшчэ браць і тое, што дае нам прыроды. Сіла зямлі, лясоў, рэк - гэта тое, што можна пачарпнуць у Беларусі. Мы таксама чакаем усплёску гасцей, якія выбралі экалагічны турызм. Усе перадумовы для гэтага ў бягучым сезоне ёсць", - адзначыла дырэктар "Цэнтркурорта".

Генеральны дырэктар "Белпрафсаюзкурорт" Мікалай Мацюкевіч таксама лічыць, што адпачынак у беларускіх санаторыях становіцца ўсё больш папулярным у нашых грамадзян - гэта відаць па той колькасці людзей, якія самастойна купляюць пуцёўкі.

"За апошнія 3-4 гады сітуацыя памянялася кардынальна. Радуе, што людзі сталі сур`ёзна ставіцца да свайго здароўя. Умацоўваецца мода на здаровы лад жыцця", - рэзюмаваў ён.

1 чэрвеня 2022, Мінск
БЕЛТА