"Прызнаючы ўзаемную цікавасць да ўстанаўлення цеснага і доўгатэрміновага супрацоўніцтва ў галіне турызму, жадаючы развіваць адносіны паміж абедзвюма краінамі ў гэтай галіне, а таксама паміж іх нацыянальнымі турыстычнымі арганізацыямі, разумеючы значнасць развіцця супрацоўніцтва ў галіне турызму, а таксама ў эканамічным, культурным і сацыяльным жыцці абедзвюх краін, бакі дамовіліся ўмацоўваць і развіваць супрацоўніцтва ў сферы турызму ў адпаведнасці з заканадаўствамі абедзвюх дзяржаў і іншымі міжнароднымі пагадненнямі, у якіх удзельнічаюць дзяржавы бакоў", — гаворыцца ў дакуменце. 

Бакі таксама будуць заахвочваць супрацоўніцтва паміж дзяржаўнымі органамі кіравання турызмам, а таксама іншымі турыстычнымі арганізацыямі, якія ўдзельнічаюць у развіцці міжнароднага і ўнутранага турызму; садзейнічаць ажыццяўленню прамых авіярэйсаў паміж дзвюма дзяржавамі з мэтай далейшага ўзмацнення турыстычным патокаў. 

Акрамя гэтага бакі будуць садзейнічаць устанаўленню кантактаў і развіццю супрацоўніцтва паміж турыстычнымі арганізацыямі Беларусі і Грузіі, а таксама паміж журналістамі і экспертамі ў сферы турызму, арганізацыі выстаў, семінараў і іншых мерапрыемстваў у сферы турызму. 

Пагадненне заключаецца тэрмінам на пяць гадоў і аўтаматычна працягваецца на наступныя пяцігадовыя перыяды, калі ніводзін з бакоў не выкажа намеру спыніць яго дзеянне. 

Дакумент падпісаны ў Тбілісі 23 красавіка 2015 года.

Марына Носава, БелаПАН
Мінск, 10 кастрычніка 2015