Планетарны форум сабраў у Грэцыі больш за 560 спартсменаў з 93 краін. На чэмпіянаце стартавалі 10 прадстаўнікоў Беларусі, з якіх тром удалося дабрацца да фіналаў у сваіх вагавых катэгорыях. У нядзелю першым з беларусаў на рынг выходзіў Мікіта Кокаш, які выступае ў вазе да 86 кг сярод моладзі. Падоўжыць пераможную серыю ў вырашальным баі не выйшла-паражэнне ад француза Ваэля Халіма з лікам 28:29 і срэбны медаль.

Прайсці ўвесь шлях па турнірнай сетцы ў катэгорыі да 71 кг сярод атлетаў не старэйшых за 23 гады ўдалося Яўгену Федарынчыку. Раней беларус выбіў з барацьбы расіяніна Цімафея Інкірава, украінца Глеба Чабана і аўстралійца Кая Уіта-Джонса, а сёння ў фінале не аддаў ніводнага раўнда прадстаўніку ААЭ Таіму Хадле (30:27) і заваяваў золата.

Далей у вячэрняй праграме 9 чэрвеня за перамогу на чэмпіянаце свету паспрачаецца наш Іван Шангин (U23, у/да да 60 кг). У пятніцу ўладальнікамі бронзавых узнагарод планетарнага першынства сталі беларусы Валянцін Капытоў (да 91 кг), Данііл Дзедавец (да 63,5 кг), Арцём Варывоцкі (U23, да 57 кг) і Паліна Ламінская (U23, да 71 кг).

Звязда, 9 чэрвеня 2024