20 студзеня ў Мінску пачалі працу адкрытыя каткі.
Адзін з самых вялікіх знаходзіцца каля будынка Нацыянальнай бібліятэкі Беларусі. Яго памеры 100 на 140 метраў — гэта амаль у два разы больш, чым футбольнае поле на сталічным стадыёне "Дынама".
Уваход на каток бясплатны, аднак за пракат канькоў мінчанам і гасцям сталіцы давядзецца заплаціць 15 тысяч рублёў. Працуюць каля катка і пункты грамадскага харчавання.
Усяго гэтай зімой у Мінску працуюць 115 каткоў і 33 хакейныя каробкі.
БелаПАН20 студзеня 2012
