Як гаворыцца ў заяве на афіцыйным сайце ISU, пастанова аб выключэнні прынятая згодна з рэкамендацыямі Міжнароднага алімпійскага камітэта, а таксама ў мэтах абароны цэласнасці правядзення спаборніцтваў і гарантавання бяспекі ўдзельнікаў.

«Савет ISU заяўляе аб немагчымасці запрашэнняў або допуску спартсменаў з Беларусі і Расіі да выступлення ў спаборніцтвах, а таксама прыпыняе ўдзел афіцыйных асоб гэтых краін у спаборніцтвах пад сваёй эгідай. ISU будзе сачыць за развіццём сітуацыі і пры неабходнасці распачне дадатковыя меры рэагавання», — паведамляе прэс-служба.

У пералік відаў спорту, якія курыруюцца ISU, уваходзяць канькабежны спорт, шорт-трэк і фігурнае катанне.

Звязда, 1 сакавіка 2022