Гэта першая перамога беларускай біятланісткі на этапах Кубка свету ў кар`еры. Яна пераадолела дыстанцыю, ні разу не прамахнуўшыся на агнявых рубяжах.

Беларуская біятланістка Ганна Сола выйграла спрынтарскую гонку на дыстанцыі 7,5 кіламетраў на трэцім этапе Кубка свету ў аўстрыйскім Хахфільцэне.

Сола пераадолела дыстанцыю за 20 хвілін 44,4 секунды, не дапусціўшы ніводнага промаху на двух агнявых рубяжах. Ганна ўпершыню перамагла на этапах Кубка свету ў кар`еры.

Другое месца заняла францужанка Жусцін Брэза з Францыі, якая прамахнулася двойчы і адстала ад лідэра на 46,8 секунды, трэцяй стала нарвежка Марце Рэйселанд 50,3 (0).

Дынара Алімбекава фінішавала восьмай (+ 1.08 (1)), Ірына Лешчанка - сорак чацвёртай (+ 2.21,3 (2)), Алена Кручынкіна - восемдзесят пятай (+ 3.27,8 (4)), Ірына Кручынкіна - дзевяноста пятай (+3.4) ,9 (5)).

Усяго на старт гонкі выйшла 114 спартовак.

Нагадаем, что некалькі гадзін таму беларускі біятланіст Антон Смольскі стаў трэцім у мужчынскай спрынтарскай гонцы. Гэта лепшы вынік у яго спартыўнай кар`еры. Парадаваў сёння і Дзмітрый Лазоўскі, які ў гэтай жа гонцы стаў дзявятым.

Трэці этап Кубка свету ў Хахфільцэне працягнецца ў суботу гонкай пераследу ў мужчын і эстафетай у жанчын. Завершыцца этап у нядзелю эстафетай у мужчын і гонкай пераследу ў жанчын.

Мінск, 10 снежня 2021
Sputnik