На рахунку Сабаленка 7 115 пунктаў, на дадзены момант яна саступае толькі аўстралійцы Эшлі Барці (9 077), замыкае топ-3 чэшка Караліна Плішкава (5 285).
Нядаўна беларуская спартсменка распавяла, што захварэла на каронавірус, аднак адчувае сябе пры гэтым добра. З-за хваробы яна прапусціць турнір у Індыян-Уэлсе.
Нягледзячы на тое, што Вікторыя Азаранка ў 1/8 фіналу знялася з турніра WTA-500 у Чыкага, яна змагла падняцца з 34-й пазіцыі на 32-ю (1856 пунктаў).
Яшчэ адна беларуска Аляксандра Сасновіч паднялася на шэсць пазіцый і заняла апошнюю, сотую пазіцыю, наймацнейшых тэнісістак (760).
Упершыню з 2018-га года
У новым рэйтынгу WTA японка Наомі Осака ўпершыню з 2018-га года вылецела з дзясяткі наймацнейшых. Пасля турніру US Open, дзе яна прайграла ў трэцім крузе канадцы Лэйле Фернандэс, спартсменка вырашыла ўзяць паўзу ў кар`еры. Японка патлумачыла гэта няпростым эмацыйным станам. На дадзены момант Осака перамясцілася з сёмага на 12-е месца ў рэйтынгу (3 326).
