Беларускі плывец Ілля Шымановіч ўстанавіў новы рэкорд Беларусі на дыстанцыі 200 метраў брасам, паведамляе прэс-служба НАК рэспублікі.

Рэкорд быў усталяваны ў італьянскім Неапалі, дзе праходзіць Міжнародны этап лігі плавання (ISL). Гэта рэгулярны клубны турнір па плаванні, у якім удзельнічаюць спартсмены з усяго свету.

Шымановіч, выступаючы ў заплыве на 200 метраў, паказаў вынік 2 хвіліны 02,10 секунды, што з`яўляецца рэкордам Беларусі. Папярэдняе дасягненне было 2 хвіліны і 02,77 секунды.

Беларус на этапе ISL выступае за каманду Францыі, капітанам якой з`яўляецца вядомая шведская плыўчыха, васьмікратная чэмпіёнка свету і 11-разовая чэмпіёнка Еўропы Сара Шострэм.

Ілля Шымановіч - прызёр чэмпіянатаў Еўропы і свету ў эстафеце і на 100-метровай дыстанцыі ў 25-метровым басейне і з`яўляецца ўладальнікам сусветнага рэкорду ў гэтай дысцыпліне. У ходзе летніх Алімпійскіх гульняў у Токіа беларус выйшаў у фінал, аднак у вырашальным заплыве стаў толькі восьмым.

Sputnik, 19 верасня 2021