Новыя нарматывы расходаў на навучанне ва ўстановах адукацыі на 2024 год устаноўлены ў Беларусі, адпаведны дакумент зацвердзіў урад краіны.
Пастанова №942 ад 27 снежня апублікаваная на Нацыянальным прававым інтэрнэт-партале.
Згодна з пастановай, нарматыў расходаў на навучанне і выхаванне аднаго вучня з пачатку 2024 года складае 3 109 рублёў 52 капейкі.
Гэта датычыцца тых школ, якія знаходзяцца ў гарадах і пасёлках гарадскога тыпу. Для параўнання: у 2023 годзе гэты паказчык быў роўны 2 645 рублем 16 капеек. Сума для сельскіх школ будзе вышэй за леташнюю на 1000 рублёў і складзе 7 058 рублёў 31 капейку.
Для дзіцячых садоў, размешчаных у гарадах і пасёлках гарадскога тыпу, новы нарматыў будзе 4 033 рублі 85 капеек (папярэдняя сума 3 277 рублёў 61 капейка). Для сельскіх устаноў дашкольнай адукацыі – 4 943 рублі 8 капеек адпаведна (4 368 рублёў 29 капеек у 2023 годзе).
Што датычыцца каледжаў, норма на навучанне і выхаванне аднаго вучня на 2024 год ва ўстановах прафесійна-тэхнічнай адукацыі складзе 4 940 рублёў 17 капеек, для сярэдняй спецыяльнай адукацыі – 4 438 рублёў 16 капеек.
"Падушавая" сістэма фінансавання (памер выдзяляемай сумы залежыць ад колькасці вучняў, выхаванцаў і навучэнцаў ва ўстанове адукацыі) была апрабаваная на беларускіх школах у 2018 годзе, пасля чаго яе распаўсюдзілі на дзіцячыя сады і каледжы.
