Згодна з матэрыяламі справы, хлопец праз інтэрнэт набыў некалькі грамаў марыхуаны, частка якой у чэрвені бягучага года выкурыў, а рэшту захаваў у сябе дома. Ім жа на працягу некалькіх месяцаў з карыслівых меркаванняў і пры ўдзеле групы асоб па папярэдняй змове вырабляліся псіхатропныя рэчывы, для якіх былі выкарыстаны ў тым ліку ацэтон і серная кіслата.

Да гэтага інцыдэнту непаўналетні меў станоўчыя характарыстыкі, не прыцягваўся да адміністрацыйнай альбо крымінальнай адказнасці, быў прызёрам і пераможцам алімпіяд па хіміі, напісаў тры навуковыя працы.

Вывучыўшы матэрыялы справы, у пракуратуры Гродна пагадзіліся з абгрунтаванасцю абвінавачання і наяўнасцю дастатковых доказаў, а таксама з кваліфікацыяй дзеянняў юнака па ч. 1 і 4 арт. 328 КК Рэспублікі Беларусь.

Крымінальная справа знаходзілася ў вытворчасці Гродзенскага міжраённага аддзела Следчага камітэта. Абраную ў дачыненні да абвінавачанага меру стрымання ў выглядзе ўзяцця пад варту пракурор, накіроўваючы справу ў суд, пакінуў без змены.

Звязда, 1 лістапада 2021